La Hialaira

– audio ?

La Hialaira (cant tradicionau gascon)

Au ton cuenh qu’as un riban blanc,
blanc com nèu au sorelh lhevant :
Bèra hialaira, bèra hialaira,
que hialas deu maitin au ser,
ditz-me perqué.
Vira husèth, vira, vira,
deu maitin au ser, vira, vira.
Qu’u cau ua pelha end’abilhar
la mainada qui van batiar.
Au ton cuenh qu’as un riban blu,
blu com la hlor deu lin madur :
Bèra hialaira, bèra hialaira,
que hialas deu maitin au ser,
ditz-me perqué.
Vira husèth, vira, vira,
Qu’u cau quand se maridarà
ua camisa nava a’s botar.
Au ton cuenh qu’as un riban roge,
roge com l’auba quan i a ploja :
Bèra hialaira, bèra hialaira,
que hialas deu maitin au ser,
ditz-me perqué.
Vira husèth, vira, vira,
Qu’u calerà quand plorarà
un mochoèr ende s’eishugar.
Au ton cuenh qu’as un riban negre,
negre enqüer mei qu’un tròç de pega :
Bèra hialaira, bèra hialaira,
que hialas deu maitin au ser,
ditz-me perqué.
Vira husèth, vira, vira,
Qu’u calerà quand morirà
un linçòu ende l’enterrar.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *