L’ESTACA
Cercle occitan de Peçac e deu Bordalés
L’Estaca en bref : téléchargez la présentation
« L’ESTACA, Cercle Occitan de Peçac e deu Bordalés » es ua associacion deu tipe lei 1901. Qu’a per mira la promocion de la Lenga e de la Cultura occitanas, dab un objectiu d’educacion popularia (dab un agrément Joenessa e Espòrt).
L’ESTACA ei aderenta de l’Institut d’Estudis Occitans, associacion reconeguda d’utilitat publica, de la Federacion Departamentau de Danças e Musicas Tradicionaus e de l’Ostau de las Associacions de Peçac.
Istoric de L’ESTACA
L’Estaca estó creat a Bordèu en 1979. Perpausava ua libreria associativa, e organizava manifestacions variadas : cors de lenga e de cant, expausicions, velhadas, concèrts-bals, e un « rallye »toristic cada an.
La libraria estó barrada quan d’autes biais de difusion de la literature occitana se son desvolopats a Bordèu e a l’entorn : librarias professionalas Mollat e Princi Nègre, Musèu d’Aquitània damb la soa libraria especializada dens l’occitan.
Desplaçada a Merinhac de 1989 a 1990, L’Estaca s’enradiguè a Pessac en 1991, ont comencè un talhèr de lenga cada dimarç ser. Aqueth talhièr estó anonçat per lo jornau Sud-Ouest, tau com visitas en occitan de Parcs de Bordèu e de l’entorn,
lo secretari de L’Estaca creè e hasó víver un siti Internet dedicat de 1995 dinc a 2010.
Lèu, se retrobèn cada setmana un dètzenat de personas, vengudas tà apréner o melhorar la lenga orau e escriuta, o sonque tau plaser de parlar e de cantar en occitan. Atau, dinc a uèi, peu torn de dus centenats de gents i son vienuts, occitans o non : Gascons, Lengadocians, Lemosins, Catalans, e autes originaris d’alhors qui vòlen apréner la lenga d’ací.
En 2004, L’Estaca obreish un talhèr de lenga occitana a Tresses qui se debana dus sers per mes.
En 2005, obreish un talhèr de danças tradicionaus a Peçac, a la sala deu barri Chiquet, cada diluns ser.
Accions desvolopadas
Despuish 2005, lo talhèr de lenga deu dimarç de 6 a 8 òras deu ser, a la sala deu quartièr i Monbalon de Peçac es devienut un talhèr de lenga e cant occitans. De quan en quan, qu’èm un quinzenat a nse n’anar cantar davant monde, de còps per amassadas de coralas de Peçac o dab los Bretons e los Bascos de Bordèu, en 2013 e 2015 o dab lo grop Lacan’òc de L’Ostau Occitan despuish 2019.
Cantam per eveniments hèstius : a la Hèsta de la Musica, au Marcat occitan deu Hestenau Mascaret de l’IEO Gironda, ua noça, repaish de barri, hèstas de vilatges, Dimenjada Gormanda deu sindicat deus vins de Bordèu…etc…
De 1994 a 2004, qu’avem recuelhut los noms d’arruas e de lòcs de Peçac qui an ua origina occitana. E que’n trobèm hèra ! Qu’avem hèit passar aqueth document aus ajudants deu capdau e aus presidents deus comitats deus barris de Peçac, mes non i a pas avut d’efèit.
En 1999 qu’animèm talhers d’estiu dens los parcs de Bordèu.
En 2002 qu’ajudèm joens parents a har aubrir ua escòla bilingüa a Pessac, la « Calandreta de la Dauna« .
En 2003, la télévision locau TV7 a heit un reportage sus L’ESTACA.
En 2004. L’ESTACA participè a l’arcuelh de la Caravana de la lenga occitana, qu’acompanhèm en velò de Bordèu dinc a Lengon e encontrèm las mairetats de las comunas de passatge d’aquera caravana.
Organizèm tanben ua serada de cinemà occitan(Lo pip deu Pèire) ont vienón un centenat de personas.
Dens l’encastre deu Comitat d’Agermanament Occitanò Catalan, de 1987 a 2015, qu’avem recebut artistas e dançaires de sardanas e constituit un grop Occitanò-Catalan per participar a la Felibrejada deu Perigòrd.
Despuish 2015 Lo talhèr de L’ESTACA de Trèsses a realizat senhalizacion bilingua francés-occitan dens un espaci naturau e per noms de salas municipaus de Trèsses. A tanben organizat ua « Setmana occitana » a Trèsses en 2021.
Accions annualas
Despuish 2005, L’Estaca organiza a Pessac o a Bordèu la « Dictada Occitana », eveniment organizat dens un quarantenat de vilas. I vienen adultes deu departament, pairs e mainats de La Calandreta e, de còps, liceans.
Organizam e cosinam cada an un repaish tradicionau Gascon.
Animam per Cantas e Jòcs a la hèsta de las Calandretas de Gironda.
Presentam la nosta associacion cada an a la Hèsta de las Associacions de Peçac e de Tresses.
Tienem taulèir per hèstas e concèrts de cantaires occitans ont vendem objects identitaris occitans.
En 2019, lo noste grop de Danças tradicionaus organizè la jornada « Rencontres Danses » d’amassada deus talhèrs de Danças tradicionaus de Gironda
Totas las personas interessadas per participar a las activitats nostas son bienvenudas : las arcuelhem deu mielher qui sabem har aus nostes talhèrs de Lenga e Cantas occitanas e de Danças tradicionaus.
Per contactar L’Estaca : estaca@free.fr
« L’ESTACA, Cercle Occitan de Pessac e deu bordalés » est une association loi 1901. Son but est de promouvoir la langue occitane à des fins d’éducation populaire.